کراچی میں نجی یونیورسٹی کی بس حادثے کا شکار، ایک شخص ہلاک، متعدد طالبات زخمی

اسلام ٹائمز۔ شہر قائد کے علاقے منگھوپیر میں نجی یونیورسٹی کی بس حادثے کا شکار ہوگئی، واقعے میں ایک شخص جان سے گیا اور متعدد طالبات زخمی ہوگئیں۔ تفصیلات کے مطابق کراچی کے علاقے منگھوپیر میں نجی یونیورسٹی کی بس مخالفت سمت سے آنے والے سائیکل سوار کو کچلتے ہوئے الٹ گئی۔ حادثے میں سائیکل سوار ثنا اللہ جان سے گیا، جبکہ متعدد طالبات زخمی ہوگئیں۔ حادثہ اس قدر شدید تھا کہ سائیکل سوار موقع پر ہی دم توڑ دیا۔ پولیس نے بس ڈرائیور کو حراست میں لے لیا ہے۔