چارسدہ،نجی ایف ایم ریڈیو اسٹیشن پر شرپسندوں کا حملہ

چارسدہ:اسلام ٹائمز۔ چارسدہ میں نجی ایف ایم ریڈیو اسٹیشن کی عمارت کے باہر نصب شدہ بارودی مواد پھٹنے سے ریڈیو اسٹیشن کی عمارت کو شدید نقصان پہنچا۔ تاہم کوئی جانی نقصان نہیں ہوا۔ پولیس حکام کے مطابق دھماکا پولیس اسٹیشن پڑانگ کی حدود میں عمر آباد کے علاقے میں کیا گیا۔ بارودی مواد پھٹنے سے نجی ایف ایم 93 ریڈیو اسٹیشن، جو "دلبر ریڈیو" کے نام سے مشہور ہے، کی عمارت کے دو کمرے اور بیرونی دیوار مکمل طور پر تباہ ہو گئی۔ جبکہ چینل کی نشریات بھی بند ہو گئی ہے۔ پولیس نے علاقے کا گھراؤ کرکے سرچ آپریشن شروع کر دیا ہے، مقامی مبصرین کا خیال ہے کہ یہ شرپسند طالبان کی کاروائی ہوسکتی ہے۔ تاہم کوئی گرفتاری عمل میں نہیں آسکی ہے۔