اسلام ٹائمز۔ کوئٹہ کے علاقے قمبرانی روڈ پر نامعلوم افراد کی فائرنگ سے محکمہ انسداد دہشت گردی (سی ٹی ڈی) سے تعلق رکھنے والے پولیس انسپکٹر عبدالسلام بنگلزئی جاں بحق ہوگئے۔ پولیس ذرائع کا کہنا ہے کہ سی ٹی ڈی انسپکٹر کو نامعلوم افراد نے فائرنگ کا نشانہ بنایا۔ ابتدائی طور پر یہ واقعہ ٹارگٹ کلنگ کا معلوم ہوتا ہے، لیکن واقعے کی تفتیش ہونے کے بعد حتمی طور پر کچھ کہا جاسکتا ہے۔ فائرنگ سے جاں بحق ہونے والے پولیس انسپکٹر کو سول ہسپتال کوئٹہ منتقل کر دیا گیا ہے۔