وزراء کی کارکردگی کا جائزہ، وفاقی کابینہ کا دوسرا خصوصی اجلاس آج ہوگا

رواں ہفتے ہونے والے وفاقی کابینہ کے اجلاس کی صدارت وزیراعظم عمران خان نے کی تھی، جس میں 26 وزارتوں کی کارکردگی کا جائزہ لیا گیا تھا۔ وفاقی کابینہ نے اپنے فیصلوں پر عمل درآمد کا جائزہ بھی لیا جبکہ جس میں 20 نکاتی ایجنڈے پر غور کیا گیا تھا۔ وزیراعظم عمران خان کی زیرصدارت وفاقی کابینہ کے اجلاس میں فیصلہ کیا گیا تھا کہ ہر تین ماہ بعد وزراء کی کارکردگی کا جائزہ لیا جائے گا، جبکہ تمام وزارتوں سے آئندہ پانچ سال کے لئے منصوبہ جات کی تفصیلات بھی طلب کی گئیں۔ اجلاس کے بعد جاری اعلامیے کے مطابق اجلاس میں ہر وزارت سے کئے گئے اقدامات، کفایت شعاری مہم اور آئندہ پلان پر بات کی گئی۔ وزیراعظم کی زیرصدارت ہونے والے اجلاس میں وفاقی وزراء سے آئندہ کارکردگی بہتر بنانے کیلئے اقدامات سے متعلق بھی پوچھا گیا۔