پیپلز پارٹی کے رکن سندھ اسمبلی ساجد جوکھیو کیخلاف نیب انکوائری کا معاملہ

اسلام ٹائمز۔ سندھ ہائیکورٹ میں پیپلز پارٹی کے ایک اور رکن صوبائی اسمبلی ساجد جوکھیو کے خلاف نیب انکوائری کا معاملہ، نیب نے ورکرز ویلفیئر بورڈ کی 128 ایکڑ اراضی کی غیر قانونی الاٹمنٹ کیس میں پیش رفت سے عدالت کا آگاہ کردیا۔ سندھ ہائی کورٹ میں نیب کے افسر نے آگاہ کیا کہ ملزم نے پے آرڈرز کے ذریعے کرپشن کی، کرپشن کے پانچ کروڑ روپے پے آرڈرز کے زریعے ایم پی اے ساجد جوکھیو کے اکاؤنٹ میں منتقل کئے گئے، ملزم ساجد جوکھیو اور دیگر کی عبوری ضمانتیں خارج کی جائیں۔ ملزم خواجہ شجاعت کے وکیل کی عدم حاضری پر عدالت  نے برہمی کا اظہار کرتے ہوئے جمعہ کو ہی ملزم شجاعت کے وکیل کو طلب کرلیا۔ عدالت کا کہنا تھا کہ کل تک وکیل عدالت میں پیش نا ہوئے تو درخواست ضمانت خارج کردیں گے۔