نہرو کی کشمیر پالیسی پر نظرثانی ہوگی، نریندر مودی

نریندر مودی نے کہا کہ وادی کشمیر میں تنازعہ اڈھائی اضلاع میں ہے اور بحثیت مجموعی ریاست بھاجپا حکومت کے دوران ٹھیک رہی۔ انہوں نے کہا کہ لداخ اور جموں میں کوئی مسئلہ نہیں، مسئلہ وادی کے صرف اڑھائی اضلاع میں ہے، ہم ان اضلاع کو پوری ریاست کے طور پر دیکھ رہے ہیں، یہ بیانہ تبدیل ہونا چاہیئے۔ مودی نے دعوٰی کیا کہ انکی حکومت نے وادی میں تعمیر و ترقی پر بدستور فنڈس خرچ کئے اور ریاست کو غیر جانبدارانہ طریقے سے چلایا، بھارت نے ایسا کچھ نہیں کیا جس سے یہ محسوس ہوجائے کہ کشمیر کو نظرانداز یا برا برتاؤ کیا گیا ہے، لیکن ہمیں اس مسئلے کو سمجھداری اور حساسیت کے ساتھ لینا چاہیئے۔ انہوں نے کہا کہ جموں و کشمیر میں افسپا کو ختم کرنا فوجی جوانوں کو پھانسی کے تخت پر چڑھانے جیسا ہے۔ انہوں نے کہا کہ فوج کی خود اعتمادی بنائے رکھنے کے لئے افسپا کو جاری رکھنا ضروری ہے۔