سراج الحق کا سری لنکن سفارت خانے کا دورہ، دھماکوں میں شہریوں کی ہلاکتوں پر تعزیت کی

سری لنکا کے سفیر سے ملاقات کے دوران انہوں نے گزشتہ روز ہونے والے الم ناک دھماکوں کی شدید مذمت کی اور دہشت گردی کے واقعے میں جاں بحق ہونے والوں کے لیے تعزیت کی۔ سینیٹر سراج الحق نے کہا کہ پاکستان کے عوام دکھ کی اس گھڑی میں سری لنکا کے عوام کے ساتھ کھڑے ہیں۔ ان کا کہنا تھا کہ دہشت گرد انسانیت کے قاتل ہیں اور دہشت گردوں کا کوئی مذہب نہیں ہوتا۔ امیر جماعت اسلامی کے ہمراہ وفد میں نائب امیر میاں محمد اسلم اور آصف لقمان قاضی بھی شامل تھے۔