استور، گاڑی دریا میں جا گری، خاتون سمیت دو افراد جاں بحق

اسلام ٹائمز۔ استور کے ضلعی ہیڈ کوارٹر عیدگاہ سے بالائی گائوں ناصر آباد جانے والی گاڑی عید گاہ اور گوریکوٹ کے درمیان حادثے کا شکار ہو کر دریائے استور میں جا گری جس کی وجہ سے گاڑی میں سوار ایک خاتون سمیت دو افراد موقع پر جاں بحق ہو گئے جبکہ ایک شخص کو شدید زخمی حالت میں ڈی ایچ کیو ہسپتال استور منتقل کر دیا گیا ہے۔ حادثے کی وجہ تیز رفتاری بتائی جاتی ہے۔