حملوں سے ثابت ہوتا ہے کہ طالبان افغانستان کے اداروں اور عوام کو اہمیت نہیں دیتے، امریکہ

ان کا کہنا تھا کہ ان حملوں سے ثابت ہوتا ہے کہ طالبان افغانستان کے اداروں اور عوام کو اہمیت نہیں دیتے ہیں، حقیقی مصالحتی عمل کے لیے طالبان کو اس کے لیے اپنے عزم کا اظہار کرنا ہوگا ناکہ تشدد کی فضا برپا کرکے ملک کا امن بگاڑنا ہوگا۔ یاد رہے کہ گزشتہ روز افغانستان میں پہلا دھماکا مرکزی صوبے پروان میں صدارتی انتخابات کے حوالے سے منعقدہ اشرف غنی کی ریلی کے دوران ہوا تھا، جس میں 26 افراد ہلاک اور 42 زخمی ہوگئے تھے۔ اس حملے کے ایک گھنٹے بعد ہی کابل کے وسط میں امریکی سفارتخانے کے قریب ایک اور دھماکا ہوا تھا، جس میں 22 افراد ہلاک اور 38 زخمی ہوگئے تھے۔ صدارتی مہم کے ترجمان حمید عزیز نے کہا تھا کہ اشرف غنی وہاں موجود تھے لیکن وہ محفوظ ہیں اور انہیں کوئی نقصان نہیں پہنچا۔ طالبان کی جانب سے افغانوں کو پہلے ہی خبردار کیا گیا تھا کہ وہ ووٹ نہ دیں کیونکہ وہ پولنگ اسٹیشنز اور انتخابی مہمات کو نشانہ بنائیں گے۔ دوسری جانب افغان صدر کا کہنا تھا کہ طالبان اپنے جرائم جاری رکھے ہیں، انہوں نے ایک بار پھر ثابت کیا کہ وہ افغانستان میں امن و استحکام میں دلچسپی نہیں رکھتے۔