امریکی وفود کی افغان طالبان سے امریکی سفارت خانے میں ملاقاتیں

اسلام ٹائمز۔ دوحا سے پاکستان آنیوالے افغان طالبان کے وفد نے اسلام آباد میں موجود امریکی سفارت خانے میں امریکی وفود سے ملاقات کی ہے۔ ذرائع کے مطابق افغان طالبان کے وفد کی مختلف امریکی عہدیداروں سے ہونیوالی ملاقات کو خفیہ رکھا جا رہا ہے، جس کی تفصیلات کسی کو نہیں بتائی گئی ہیں۔ واضح رہے کہ ملا عبدالغنی بردار کی قیادت میں افغان طالبان کا وفد وزیر خارجہ شاہ محمود قریشی، وزیر اعظم عمران خان، آرمی چیف جنرل قمر جاوید باجودہ سے ملاقات کر چکا ہے۔ افغان طالبان کی وفد کی پاکستان آمد سے قبل امریکی نمائندہ برائے افغانستان زلمے خلیل زاد چین سے اسلام آباد پہنچے تھے۔ ذرائع کے مطابق صدر ٹرمپ کی جانب سے معطل کیے جانے والے امن مذاکرات کا سلسلہ دوبارہ شروع کیا جائیگا۔