اسلام ٹائمز۔ ترجمان دفتر خارجہ کا کہنا ہے کہ وزارت خارجہ میں کورونا کیسز کی تصدیق کرتے ہیں۔ ترجمان دفتر خارجہ نے وزارت خارجہ میں کورونا کیسز کی تصدیق کرتے ہوئے کہا کہ تمام پازیٹو کیسز والے لوگوں کو قرنطینہ کر دیا گیا ہے۔ کیسز آنے کے بعد متعلقہ ایس او پیزکا نفاذ کر دیا گیا ہے جب کہ وزارت خارجہ نے کم از کم افرادی قوت پر کام کرنے کی ہدایات بھی جاری کر دی ہیں۔ ذرائع کے مطابق دفتر خارجہ میں گزشتہ ہفتے کورونا کے 5 کیسز سامنے آئے تھے، ان میں 2 افسران اور تین اسٹاف کے لوگ تھے۔