اسلام ٹائمز۔ قومی اسمبلی میں بجٹ اجلاس کے دوران اپوزیشن نے احتجاج کرتے ہوئے بجٹ مسترد کردیا۔ وفاقی وزیرحماد اظہر نے جیسے ہی بجٹ تقریرشروع کی تو مسلم لیگ (ن)، پیپلزپارٹی اور جے یو آئی کے ارکان پلے کارڈز اٹھا کراپنی نشستوں پر کھڑے ہوگئے اور نعرے بازی شروع کردی۔ بجٹ اجلاس کے دوران اپوزیشن کا ہنگامہ شور شرابے کے بعد حزب اختلاف کے اراکین ایوان سے واک آوٹ کر گئے۔ اپوزیشن اراکین کا کہنا تھا انہیں بجٹ کی کاپیاں تک فراہم نہیں کی گئیں، حکومت اپنے اہداف پورا کرنے میں بھی ناکام رہی۔