اسلام آباد:
اسلام ٹائمز۔ پیپلزپارٹی کے رہنما سینیٹر بابر اعوان نے کہا ہے کہ رمضان میں سرائیکی علاقے کے عوام کیلئے بڑی خوشخبری دیں گے، جو پاکستان کی تاریخ کی سب سے بڑی خوشخبری ہو گی۔ اسلام آباد میں میڈیا سے گفتگو کرتے ہوئے بابر اعوان نے کہا کہ قومی اسمبلی اور سینیٹ کے معمول کے اجلاس ہوں گے، ان کا کہنا تھا کہ عدالتی فیصلوں پر عملدرآمد کیا جائے گا، آئین کے ساتھ تماشہ نہیں ہونے دیں گے۔ بابر اعوان نے کہا کہ ہمارے اندر اتنی صلاحیت ہے کہ نہ صرف اداروں بلکہ ملک کو بھی چلا سکتے ہیں۔ انہوں نے بتایا کہ قومی و صوبائی اسمبلی اور سینیٹ کے انتخابات وقت پر ہوں گے اور جس نے جمہوریت کے ساتھ چلنا ہے اسے آئندہ انتخابات تک انتظار کرنا ہو گا۔