اسلام ٹائمز۔ سعودی شاہی رژیم کے ساتھ وابستہ عرب نیوز چینل العربیہ نے خبر دی ہے کہ عراق میں موجود امریکی فورسز کل (23 اگست 2020ء کے روز) بغداد کے شمال میں واقع فوجی اڈے "التاجی" سے بھی نکل جائیں گی۔ اس نیوز چینل کی جانب سے یہ خبر ایک ایسے وقت میں دی جا رہی ہے جب عراق کے اندر موجود قابض امریکی فوجیوں پر عوامی مزاحمتی تحریکوں کی جانب سے متعدد بم حملے کئے جا چکے ہیں جبکہ اس سلسلے کا آخری بم دھماکہ آج شام کے وقت اسی فوجی اڈے سے نکلنے والے ایک امریکی فوجی قافلے کے رَستے میں کیا گیا ہے جس سے متعدد امریکی فوجی گاڑیاں تباہ ہو گئیں۔