اسلام ٹائمز۔ پاک سر زمین پارٹی کے چیئرمین مصطفیٰ کمال کا کہنا ہے کہ چند دن پہلے سب کراچی کے مسائل پر بات کر رہے تھے، اب حکومت بچانے اور گرانے میں لگ گئے۔ یہ بات چیئرمین پاک سرزمین پارٹی مصطفیٰ کمال نے کراچی کی احتساب عدالت کے باہر میڈیا سے گفتگو کرتے ہوئے کہی۔
انہوں نے مزید کہا کہ دوبارہ بارش ہوگی تو پھر سب کی کراچی پر توجہ ہوگی، جس روز سے بارش ہوئی ہے اس روز سے میرے گھر میں گیس نہیں۔ چیئرمین پی ایس پی کا یہ بھی کہنا ہے کہ سب کو اپنی کرسی کی فکر لگی ہوئی ہے، عوام کا کسی کو خیال نہیں، عوام نے ایم کیو ایم کو مسترد کردیا ہے۔