بھارت میں کورونا کے 44878 نئے کیسز، متاثرین کی تعداد 87.29 لاکھ

اسلام ٹائمز۔ بھارت میں کورونا وائرس کے مریضوں کے تیزی سے صحتیاب ہونے وجہ سے ری کوری کی شرح 93 فیصد ہوگئی ہے اور اموات کی شرح 1.47 فیصد رہ گئی ہے۔ صحت و خاندانی بہبود کی مرکزی وزارت کے مطابق جمعرات کو 49079 افراد صحتمند ہوئے، جس کے نتیجے میں اس وباء پر فتح حاصل کرنے والوں کی شرح 92.97 فیصد ہوگئی۔ اسی کے ساتھ ہی اموات کی شرح بھی کم ہوکر 1.47 فیصد رہ گئی ہے۔ انفیکشن سے نجات پانے والوں کی تعداد بڑھ کر 81.15 لاکھ سے زیادہ ہوگئی ہے۔

انفیکشن کے نئے معاملوں کے مقابلے ٹھیک ہونے والوں کی تعداد زیادہ ہونے کی وجہ سے یہ 484547 رہ گئی ہے اور ان کی شرح 5.55 فیصد پر آگئی ہے۔ اس دوران بھارت میں انفیکشن کے 44878 نئے معاملے سامنے آئے، جس سے متاثرین کی تعداد تقریباً بڑھ کر 87.29 لاکھ ہوگئی۔ کووڈ 19 سے سب سے زیادہ متاثر مہاراشٹرا میں گذشتہ 24 گھنٹوں کے دوران انفیکشن کے نئے معاملوں کی بنسبت شفایاب ہونے والوں کی زیادہ تعداد زیادہ رہی، جس کے نتیجے میں سرگرم معاملوں تعداد 3435 کم ہوکر یہ 85583 پر آگئی ہے۔ وہیں 122 اموات ہونے سے ریاست میں مرنے والوں کی تعداد بڑھ کر 45682 ہوگئی ہے۔ ریاست میں اب تک 16.05 لاکھ سے زیادہ افراد نے کورونا کو شکست دی ہے۔