اسلام ٹائمز۔ ملک بھر میں 24 گھنٹوں میں کورونا سے مزید 84 افراد انتقال کر گئے، وائرس سے مرنے والوں کی مجموعی تعداد 9 ہزار 164 ہو گئی ہے۔نیشنل کمانڈ اینڈ آپریشن سینٹر کے مطابق گزشتہ روز مزید 2 ہزار 972 نئے کیسز سامنے آ گئے، 39 ہزار 171 ٹیسٹ کیے گئے، مثبت کیسز کی شرح سات اعشاریہ چھ فیصد رہی۔ ملک میں کورونا مریضوں کی تعداد 4 لاکھ 51 ہزار 494 ہو گئی ہے، اس وقت کورونا کے فعال مریضوں کی تعداد 42 ہزار 478 ہے۔ صحت یاب ہونے والے افراد کی تعداد 3 لاکھ 99 ہزار 852 ہو گئی ہے۔