سندھ میں تبدیلی آنے والی ہے، سب سے حساب لیا جائے گا، حلیم عادل شیخ

اسلام ٹائمز۔ پاکستان تحریک انصاف کے رہنما حلیم عادل شیخ کا کہنا ہے کہ سندھ میں تبدیلی آنے والی ہے، سب سے حساب لیا جائے گا۔ سانگھڑ میں کارکنوں سے خطاب کرتے ہوئے حلیم عادل شیخ نے کہا کہ سندھ کے اربوں روپے ہڑپ کئے گئے، اب ان کا حساب ہورہا ہے۔ حلیم عادل شیخ نے کہا کہ عوام کے پانی، صحت اور تعلیم کے پیسے بھی سندھ حکومت کھا گئی۔ پی ٹی آئی رہنما نے کہا کہ سندھ حکومت میری آواز دبانا چاہتی تھی۔