اسلام ٹائمز۔ بھارت کی اترپردیش کی انچارج اور کانگریس کمیٹی کی جنرل سکریٹری پرینکا گاندھی وڈرا نے ہفتہ کو کہا کہ یوگی حکومت جو اترپردیش کو ’’جرائم سے پاک‘‘ بنانے کے وعدے کے ساتھ اقتدار میں آئی تھی، نے اسے ’’جرائم سے پُر‘‘ ریاست بنادیا ہے۔ پرینکا گاندھی نے کہا کہ آج ریاست اترپردیش مجرموں کی جنت بن چکا ہے اور ریاست میں چوری، قتل، خواتین اور دلتوں کے خلاف جرائم عام ہوگئے ہیں۔ انہوں نے کہا کہ ریاست کی یوگی حکومت بے بس ہوچکی ہے اور ان جرائم کو روکنے میں ناکام ہوچکی ہے۔