اسلام ٹائمز۔ عوامی نیشنل پارٹی خیبر پختونخوا کے صدر ایمل ولی خان نے کہا ہے کہ عمران خان کا یو این جنرل اسمبلی اجلاس میں پختونوں کے بارے میں بیان گمراہ کن اور رجعت پسندانہ ذہنیت کا عکاس ہے۔ وزیراعظم کا بیان حقائق کے بالکل برعکس ہے۔ اپنے ایک بیان میں انہوں نے کہا کہ پختون بطور قوم طالبان کی انتہاء پسندی اور دہشتگردی کا شکار بنے ہیں اور انہوں نے بطور قوم کبھی بھی طالبان کی حمایت کی ہے اور نہ ہی ان کا ساتھ دیا ہے۔ عمران خان نے خود کئی مواقع پر یہ اعتراف کیا ہے کہ دہشتگرد اور انتہاء پسند تنظیموں کو پاکستان کی ریاست نے ہی تربیت فراہم کی ہے، جسکے بدلے ان کو ڈالر ملے ہیں۔