اسلام ٹائمز۔ ینگ ڈاکٹرز ایسوسی ایشن کی جانب سے ڈاکٹرز کی گرفتاری کے خلاف کوئٹہ کے تمام ہسپتالوں کی او پی ڈیز اور آپریشن تھیٹرز کا بائیکاٹ جاری ہے۔ تفصیلات کے مطابق وائی ڈی اے کے مبینہ ڈاکٹروں کو عدالت عالیہ بلوچستان نے احتجاج سے منع کیا تھا، مگر انہوں نے پھر بھی احتجاج کیا۔ جس پر پولیس نے کارروائی کی اور ڈاکٹروں کو گرفتار کرکے مقدمہ درج کرلیا۔ پولیس کی جانب سے کارروائی کے بعد ینگ ڈاکٹرز ایسوسی ایشن نے او پی ڈیز اور آپریشن تھیٹرز میں سروس کا بائیکاٹ کا اعلان کیا۔ اس کے علاوہ وائی ڈی اے نے حکومت کو دھمکی دی ہے کہ اگر انکے ساتھیوں کو رہا نہ کیا گیا تو ایمرجنسی سروسز بھی بند کر دیئے جائیں گے۔