اسلام ٹائمز۔ انسداد دہشتگردی کی خصوصی عدالت میں تحریک لبیک کے 71 کارکنان کیخلاف کیس پر سماعت 7 جنوری تک ملتوی کر دی۔ ملزمان کیخلاف تھانہ کوٹ لکھپت پولیس نے چالان پیش کر رکھا ہے۔ عدالت نے ملزمان کیخلاف ٹرائل کی کارروائی 7 جنوری تک ملتوی کر دی اور گواہان کو شہادت ریکارڈ کرانے کیلئے طلب کر لیا۔ انسداد دہشت گردی کی خصوصی عدالت کے ایڈمن جج ارشد حسین بھٹہ نے سماعت کی۔ تمام ملزمان نے عدالت سے ضمانت کرا رکھی ہے۔ ملزمان پر پولیس اہلکاروں پر تشدد، سرکاری اسلحہ چھیننے اور پولیس کی گاڑیوں کو نقصان پہنچانے کا الزام ہے۔