اسرائیلی فوج نے سرکاری گاڑیوں میں کباڑ جمع کرنے کیبعد محاذ پر سونے کا ریکارڈ بھی توڑ ڈالا

اسلام ٹائمز۔ لبنانی سرحد کے ساتھ ساتھ تعینات غاصب صیہونی رژیم کے کوڑ کباڑ چنتے فوجیوں کے ویڈیو کلپ کے بعد اب اسرائیلی فوجیوں کی نہ ختم ہونے والی نیند عرب میڈیا کی توجہ کا مرکز بنی رہی جبکہ اس حوالے سے لبنانی ٹی وی چینل المنار اور ریڈیو النور نے متعدد سوتے صیہونی فوجیوں کی تصاویر شیئر کی ہیں۔ المنار کے رپورٹر کی جانب سے یہ ویڈیو کلپ شیئر کئے جانے کے بعد کہ جس میں سرحد کی حفاظت پر مامور ایک اسرائیلی فوجی اپنے افسر کی لاتیں کھا کر بھی بمشکل ہی جاگ پاتا ہے، گویا سوشل میڈیا پر سوتے صیہونی فوجیوں کی تصاویر شیئر کرنے کا مقابلہ چل پڑا جبکہ اس ویڈیو کے نیچے ایک یوزر نے مزاحیہ انداز میں لکھا: "جاگو جاگو یسرائیل! حزب اللہ والے ہمیں دیکھ رہے ہیں!"