اسلام ٹائمز۔ اپنے وفد کے ہمراہ گذشتہ روز سے تہران میں موجود، شام کے لئے اقوام متحدہ کے خصوصی نمائندے گیئر پیڈرسن نے آج وزارت خارجہ کے دفتر میں ایرانی وزیر خارجہ کے ساتھ ملاقات کی ہے جس میں شام کی موجودہ صورتحال اور اس کو درپیش مسائل کے حوالے سے مفصل گفتگو کی گئی۔ گیئر پیڈرسن نے گذشتہ روز مشیر ایرانی وزیر خارجہ علی اصغر خاجی کے ساتھ بھی ملاقات کی تھی جس میں شام پر عائد پابندیوں کے خاتمے، شامی عوام کی امداد، پناہ گزینوں کی واپسی اور شام کی تعمیرنو پر اتفاق ہوا تھا۔