اسلام ٹائمز۔ قطری وزیر خارجہ محمد بن سلمان بن جاسم آل ثانی نے عرب میڈیا کے ساتھ گفتگو میں ایرانی جوہری معاہدے (JCPOA) کی بحالی کے لئے ویانا میں جاری مذاکرات پر روشنی ڈالی ہے۔ عرب نیوز چینل الجزیرہ کے مطابق اس موقع پر قطری وزیر خارجہ نے زور دیتے ہوئے کہا کہ ایرانی حکام نے ہمیں مطلع کیا ہے کہ وہ جوہری معاملے پر ایک درمیانے درجے کے راہ حل کے لئے تیار ہیں۔ اس حوالے سے اپنی گفتگو کے آخر میں انہوں نے کہا کہ ایرانی جوہری مسئلے کا حل، خلیج فارس کے عرب ممالک کے استحکام میں اضافے کا باعث بنے گا جبکہ عالمی منڈیوں میں ایرانی تیل کی آمد سے نہ صرف بازار میں استحکام آئے گا بلکہ عالمی سطح پر تیل کی قیمتیں بھی متوازن ہو جائیں گی۔