اسلام ٹائمز۔ ایرانی وزارت خارجہ کے ترجمان ناصر کنعانی نے افغانستان میں ہونے والی حالیہ دہشتگردانہ کارروائیوں، کہ جن میں متعدد افغان شہری جانبحق و زخمی ہوئے ہیں، کی شدید مذمت کی ہے۔
ایرانی خبررساں ایجنسی فارس نیوز کے مطابق آج جاری ہونے والے اپنے ایک بیان میں ناصر کنعانی نے افغانستان کے شہر کابل و قندھار میں ہونے والے دہشتگردانہ حملوں کی شدید مذمت کرتے ہوئے افغان عوام و حکومت کو تعزیت پیش کی اور جانبحق ہونے والوں کی مغرفت، بازماندگان کے لئے صبر جمیل اور زخمیوں کے لئے جلد صحتیابی کی دعا مانگی۔