اسلام ٹائمز۔ وفاقی وزیر پیٹرولیم مصدق ملک نے ایران سے گیس خریداری کے معاملے موقف بیان کردیا۔ نجی ٹی وی کے پروگرام میں مصدق ملک اور رہنما پی ٹی آئی سردار لطیف کھوسہ نے گفتگو کی۔ اس موقع پر وفاقی وزیر نے کہا کہ اگر ہم ایران سے گیس خریدیں گے تو ہم پر 5 طرح کی پابندیاں لگ سکتیں ہیں۔ انہوں نے کہا کہ ایران سے بات کی ہے کہ کوئی طریقہ ڈھونڈیں گے کہ ایران کی گیس لے پائیں اور پابندیاں بھی نہ لگیں۔ اس موقع پر سردار لطیف کھوسہ نے کہا کہ ایران گیس پائپ لائن ہمارے بارڈر تک لاچکا ہے۔ ان کا کہنا تھا کہ اب ایران بین الاقوامی معاہدے کے تحت ہمارے اوپر جرمانہ بھی ڈال سکتا ہے۔