حقیقی مضطر کون؟(2)

تحریر: ارشاد حسین ناصر

مضطر حقیقی یعنی امام مہدی (عج) وہ ہستی، جن کا اصل مقام لوگوں کو خدا کی معرفت کی طرف رہنمائی کرنا اور لوگوں کو کمال تک پہنچانا ہے، لوگوں کو ذات کردگار کی جانب قریب کرنا ہے، اپنے اسلاف کی طرح ان کے ہاتھ میں حکومت کے یہ ظاہری اوزار نہیں ہیں، وہ بہ ظاہر اس ظاہری دنیا میں بہت ہی منفرد، عجیب، بیگانہ اور الگ تھلگ ہیں اور وہ دیکھتے ہیں کہ لوگ خدا کی حقیقی تعلیمات سے دوری کی وجہ سے ظلم و ستم، تاریکی اور انحراف میں ہیں، ان انحرافات کی وجہ سے ان کا سینہ تنگ اور غمگین ہے۔ ان کا غمگین ہونا، ان کا اضطراب، ان کی بے قراری ان کے ظہور تک موقوف ہے، لہذا وہی حقیقی مضطر ہیں۔ ہمیں جو علامات ان کے ظہور سے پہلے کی بتائی گئی ہیں، جو نشانیاں ذکر ہوئی ہیں، ان میں بہت سی ظاہر ہیں، جنہیں آپ بھی دیکھتے ہیں۔

انہی میں ہم دیکھتے ہیں کہ۔۔ حلال خدا حرام ہوگیا ہے، نشہ آور حرام مشروبات مسلمانوں کے دسترخوان پر آگئے ہیں، شرافت و پاکیزگی ختم ہوگئی ہے، مال حرام ہوگیا ہے، سود کا کاروبار عام ہوگیا ہے، رشوت ستانی کا بازار گرم ہے، بے لگام اور مال دار، عزت دار ہوگیا ہے، لوٹ مار اور چوری چکاری عام ہے، ظلم بڑھتا جا رہا ہے، مظلومین کی چیخ و پکار ہے، ہر شخص امید سے ناامیدی کی جانب محو سفر لگتا ہے، سب کی آخری امید وہی ہیں، یہ سب دیکھ کےر آپ "پریشان" ہوتے ہیں، آپ کی پرشانی بجا ہے، آپ کی بے قراری حق بہ جانب ہے، اس لیے کہ آپ ہی امکانات کی دنیا کا دل ہیں۔ امام صادق علیہ السلام فرماتے ہیں: "حقیقی مضطر حضرت قائم ہیں، جو دو رکعت نماز خانہ خدا کے پاس پڑھتے ہیں اور سر جھکا کر "أَمَّن یجُیبُ الْمُضْطَرَّ إِذَا دَعَاهُ وَ یَکْشِفُ السُّوءَ" (نمل) پڑھتے ہیں۔ 62)۔۔ اور خداتعالیٰ اس کا جواب دیتا ہے اور لوگوں کی راحت پر دستخط کرتا ہے۔

یہ سچ ہے کہ دنیا چیزوں کی دنیا ہے اور مومن اس میدان میں اپنی پوری کوشش کرتا ہے، لیکن وہ کبھی بھی چیزوں کی دنیا میں گم نہیں ہوتا، وہ ہر چیز کو اپنی پاکیزہ فطرت کی برکت سے دیکھتا ہے، ہاں اگر انسان پہنچ جائے، اس مرحلے میں اس نے دعا کی قبولیت کے لیے سب سے اہم شرط فراہم کی ہے۔ سورہ نمل کی آیت نمبر 62 کی ایک مثال جیسا کہ ذکر ہوا کہ بعض روایات میں اس آیت کو حضرت مہدی کے ظہور سے تعبیر کیا گیا ہے۔ ہم امام باقر علیہ السلام کی ایک روایت میں پڑھتے ہیں کہ آپ نے فرمایا: «و اللَّه لکأنی انظر الى القائم و قد اسند ظهره الى الحجر ثم ینشد اللَّه حقه ... قال هو و اللَّه المضطر فى کتاب اللَّه فى قوله: أَمَّنْ یُجِیبُ الْمُضْطَرَّ إِذا دَعاهُ وَ یَکْشِفُ السُّوءَ وَ یَجْعَلُکُمْ خُلَفاءَ الْأَرْضِ ..."، "میں خدا کی قسم کھاتا ہوں، گویا میں مہدی علیہ السلام کو دیکھتا ہوں کہ وہ حجر اسود کے ساتھ اپنی پیٹھ کے ساتھ خدا کو اپنے حق کے لئے پکار رہے ہیں۔۔۔ پھر فرمایا: میں خدا کی قسم اٹھاتا ہوں، جو کہ کتاب میں مصیبت زدہ "مضطر" ہے۔ آیت؛ أَمَّنْ یُجِیبُ الْمُضْطَرَّ ... وہی مضطر ہے." (تفسیر نمونہ،)

دعائے خیر کی ایک آیت میں ہم ندبہ پڑھتے ہیں۔: «این المضطر الذی یجاب اذا دعی» وہ مضطر کہاں ہے، جو دعا کرے تو اس کی دعا قبول ہو۔؟ امام زمان کے نزدیک محتاج ایک وسیع اور گہرا معنی رکھتا ہے۔ یعنی جو خدا تعالیٰ کے سوا کسی اسباب و علل کو حل نہیں سمجھتا (لا موثر فی الموجود الا الله) اور یہ ایک خاص مقام و مرتبہ ہے، جو ہر کوئی حاصل نہیں کرسکتا، کیونکہ علم کسی کے پاس نہیں ہے۔ جب حضرت ابراہیم علیہ السلام کو آگ میں ڈالا گیا تو بہت سے آسمانی فرشتے ان کی مدد کے لیے اتر آئے، لیکن حضرت ابراہیم علیہ السلام اپنے آپ کو خدا کے سامنے خالص سرتسلیم خم سمجھتے ہیں۔ یعنی انہوں نے ’’اضطرار‘‘ کے مقام پر پہنچ کر خدا منان کو واحد حل سمجھا اور سب کچھ اس پروردگار کے ہاتھ میں چھوڑ دیا، چنانچہ ان کے لیے آگ ٹھنڈی ہوگئی۔

اگر حضرت ابراہیم علیہ السلام میں عجلت کے کچھ درجات تھے تو امام زمانہ عجل اللہ تعالیٰ فرجہ الشریف کو یہ درجہ اپنے تمام معنی اور جوہری اور مکمل طور پر حاصل ہے اور اسی وجہ سے اگر وہ فرج کے معاملے میں نماز و دعا پڑھتے ہیں۔ ان کی دعا فوراً قبول ہوگی اور امام کا ظہور ہوگا۔ «این المضطر الذی یجاب اذا دعی» تو سوال بنتا ہے کہ حضرت مہدی (عج) دعا کیوں نہیں کرتے۔؟ اس لیے کہ ظہور کے لیے حالات تیار نہیں ہیں اور اس سے زیادہ اہم یہ ہے کہ امام وقت (عج) مکمل طور پر خدا کے حکم کے آگے سر تسلیم خم کرچکے ہیں اور جب خدا چاہے گاو ظہور کا احساس ہوگا۔ درحقیقت امام زمان (عج) کو خوشبودی پروردگار سب سے عزیز ہے، وہ جانتے ہیں کہ اللہ کے اذن کے بغیر ان کا اضطراب اور بے قراری ختم نہیں ہوگی۔

لہذا وہ یقیناً چاہتے ہیں کہ یہ بے قراری ختم ہو، یہ اضطراب اپنے اختتام کو پہنچے اور دنیا میں ان کی آمد پر موقوف سلسلے اپنی منطقی سفر و منزل کی جانب بڑھیں۔مگر یہ فقط آپ کی خواہش سے نہیں ہوگا، اس کے تقاضے، اس کے اسباب و حالات فقط پروردگار کے علم میں ہیں۔ ہم دعا کرسکتے ہیں کہ مالک و خالق اللہ "حقیقی مضطر" کو اذن ظہور دیجئے، ہماری آنکھوں کو ان کے دیدار سے منور ہونے کی سعادت عطا کیجئے، ہمیں انکے قرب کی خوشبو کی لذات اٹھانے کی توفیق عنایت کیجئے، یہ دعا ہم سب کرتے ہیں، دنیا کا ہر بے قرار شخص کرتا ہے، ہم سب اس منتظر کے منتظِر ہیں، جو اصل مضطر ہے۔ اللهم عجل لولیک الفرج