اسلام ٹائمز۔ ڈیرہ اسماعیل خان میں شیعہ علماء کونسل کے زیراہتمام ’’حسین سب کا‘‘ سیمینار کا انعقاد کیا گیا۔ سیمینار کی صدارت شیعہ علماء کونسل کے مرکزی نائب علامہ رمضان توقیر نے کی۔ سیمینار میں شہر کی چنیدہ شخصیات جن میں عبدالحلیم خان قصوریہ، قاری خلیل سراج، کاظم حسین مطاہری، راجہ اختری علی، زاہد محب اللہ اور سید سجاد حسین شیرازی سمیت دیگر افراد نے شرکت کی۔ سیمینار کا آغاز تلاوت کلام پاک سے ہوا۔ سیمینار سے خطاب کرتے ہوئے مقررین نے امام حسین (ع) کی سیرت اور کردار اور واقعہ کربلا کے مختلف پہلوؤں پہ روشنی ڈالتی ہوئے امام عالی مقام کے پیغام کو مزید اجاگر کرنے کی ضرورت پہ زور دیا۔ سیمینار میں شہریوں کی بڑی تعداد نے شرکت کی۔ پروگرام کے آخر میں علامہ رمضان توقیر نے انتظامیہ اور پولیس کا شکریہ ادا کیا۔