آئین کی خلاف ورزی، عدالت اور قانون کی توہین ہی عمران خان کا وژن اور سیاست ہے، شیریں رحمان

 

شیری رحمان نے کہا کہ آئین کی خلاف ورزی، عدالت اور قانون کی توہین ہی آپ کا وژن اور سیاست ہے، گرفتاری سے بچنے کیلئے ریاست اور عدالت کی رٹ کو چیلنج کر کے آپ جلسوں میں حقیقی آزادی کے نعرے لگا رہے، آپ امریکی لابنگ کمپنیوں سے معاہدے کر کے کس منہ سے امریکی غلامی اور حقیقی آزادی کے لیکچر دے رہے؟ شیری رحمان نے کہا کہ جلسہ بے شک کریں لیکن انتشار اور تقسیم کو ہوا نہ دیں، جلسہ کرنا ہر سیاسی جماعت کا آئینی حق ہے لیکن ان جلسوں میں ضابطہ اخلاق قانون کو پامال نہ کریں،  خود آئین، قانون اور عدلیہ کی توہین کر کے عوام کو اخلاقیات، آزادی اور قانون کی حکمرانی کا درس نہ دیں۔ یہ دوہرا معیار بند کریں۔