غزہ میں شہداء کی تعداد 34 ہزار 97 تک پہنچ گئی

اسلام ٹائمز۔ غزہ کی وزارت صحت نے اعلان کیا ہے کہ اسرائیلی فوج نے گذشتہ 24 گھنٹوں کے دوران غزہ کی پٹی میں نئے جرائم کا ارتکاب کیا ہے اور فلسطینی شہداء کی تعداد 34 ہزار 97 ہوگئی ہے۔ اسلامی جمہوریہ ایران کے خبر رساں ادارے فارس نیوز کے مطابق آج دوپہر (اتوار) کو ایک بیان میں غزہ کی وزارت صحت نے فلسطینی شہداء کی تعداد میں اضافے کا اعلان کیا۔ وزارت نے اعلان کیا کہ گذشتہ 24 گھنٹوں کے دوران غزہ پر صیہونی حکومت کی فوج کے حملوں میں درجنوں فلسطینی شہید ہوئے، جن میں سے 48 فلسطینی شہید اور 79 زخمی ہوئے، جنہیں غزہ کے اسپتالوں میں منتقل کیا گیا۔ اس بیان میں اس بات کا تذکرہ کیا گیا ہے کہ ملبے تلے اب بھی متعدد فلسطینی شہداء موجود ہیں۔ غزہ کی وزارت صحت نے مزید کہا کہ فلسطینی شہداء کی تعداد 34 ہزار 97 اور زخمیوں کی تعداد 76 ہزار 980 تک پہنچ گئی ہے۔

غزہ شہری دفاع کی تنظیم کے ترجمان نے آج اعلان کیا کہ غزہ کے جنوب میں خان یونس کے علاقے سے اسرائیلی فوج کے انخلاء کے بعد اب تک 150 سے زائد شہداء کو ملبے تلے سے نکال لیا گیا ہے اور تقریباً 500 لاپتہ ہیں۔ اس تنظیم نے یہ بھی اعلان کیا کہ غزہ کی پٹی کے مختلف علاقوں میں 2000 فلسطینی لاپتہ ہیں اور ان کی قسمت کا علم نہیں ہے۔ اسرائیلی حکومت کی فوج نے غزہ کی پٹی میں طبی سہولیات، تعلیمی سہولیات اور عبادت گاہوں سمیت کئی تنصیبات کو تباہ کر دیا ہے۔ غزہ کے لوگ اسرائیلی فوج کے محاصرے میں ہیں اور انہیں ادویات اور خوراک کی اشد ضرورت ہے۔ اسرائیلی فوج بڑی مشکل سے انسانی امداد پر مشتمل ٹرکوں کو غزہ میں داخل ہونے کی اجازت دیتی ہے اور یہ ٹرک سخت معائنے کے بعد ہی غزہ میں داخل ہوتے ہیں۔