اسلام ٹائمز۔ سپریم کورٹ نے واضح کیا ہے کہ اس نے ضمنی انتخاب روکنے کے لئے کوئی حکم جاری نہیں کیا۔ سپریم کورٹ کی طرف سے جاری بیان میں کہا گیا ہے کہ سیکرٹری الیکشن کمیشن نے پریس کانفرنس میں یہ تاثر دیا کہ سپریم کورٹ نے ضمنی الیکشن کا انعقاد روکا ہے حالانکہ عدالت عظمیٰ نے ضمنی انتخاب کے متعلق کوئی حکم امتناعی جاری نہیں کیا۔ سپریم کورٹ نے صرف یہ حکم دیا تھا کہ بوگس انتخابی فہرستوں پر انتخابات نہیں ہونے چاہئیں۔ سپریم کورٹ کے بیان میں کہا گیا کہ انتخابی فہرستوں میں 3 کروڑ 70 لاکھ بوگس ووٹوں کے اخراج کا مقصد مستند ووٹر لسٹیں بنانا ہے۔