اسلام ٹائمز۔ نوشہرہ میں طویل ترین لوڈشیڈنگ کے ستائے مشتعل عوام نے گرڈ اسٹیشن پر حملہ کردیا اور شدید توڑ پھوڑ کی۔ نوشہرہ میں کئی کئی گھنٹوں کی لوڈشیڈنگ کے ساتھ ساتھ سحر و افطار کے اوقات میں بھی بجلی نہ ہونے پر شہری مشتعل ہو گئے اور امان گڑھ گرڈ اسٹیشن پر حملہ کردیا۔ مظاہرین نے گرڈ اسٹیشن میں گھس کر دفاتر کے شیشے، فرنیچر اور کھڑکیاں توڑ ڈالیں۔ اس موقع پر پولیس کی بھاری نفری بھی پہنچ گئی اور مظاہرین کو منتشر کرنے کیلئے ہوائی فائرنگ بھی کی، لیکن مظاہرین مزید مشتعل ہوگئے اور گرڈ سٹیشن کے اندر گھاس پھوس کو بھی آگ لگا دی۔