اسلام ٹائمز۔ جماعت اسلامی خیبر پختونخوا نے 3 اگست بروز جمعہ کو صوبے بھر میں برما کے مظلوم مسلمانوں سے اظہار یکجتی اور 5 اگست بروز اتوار کو بجلی کی طویل لوڈشیڈنگ کے خلاف احتجاجی مظاہروں کا اعلان کیا ہے۔ یہ اعلان جماعت اسلامی کے صوبائی امیر پروفیسر محمد ابراہیم خان نے منگل کے روز المرکز اسلامی پشاور میں میڈیا کے نمائندوں سے گفتگو کے دوران کیا۔ انہوں نے صوبے بھر کے عوام سے ان مظاہروں میں بھر پور شرکت کی اپیل کی ہے۔