اسلام ٹائمز۔ صوابی کے علاقے غلاماں میں زائرین کی گاڑی برساتی نالے میں گرنے سے ایک بچی سمیت 8 خواتین جاں بحق ہوگئیں۔ پولیس کے مطابق صوابی کے علاقے غلاماں کے مقام پر خواتین اور بچوں سے بھری گاڑی برساتی نالے میں گر گئی۔ جس میں سوار ایک بچی اور 7 خواتین جاں بحق ہوگئیں۔ لواحقین کے مطابق متوفی زیارت کاکا صاحب نوشہرہ سے ولی کانہ گاوٴں جا رہے تھے کہ گاڑی غلاماں کے قریب ڈرائیور سے بے قابو ہوگئی اور برساتی نالے میں گر گئی۔ حادثے میں ایک بچی اور ایک خاتون شدید زخمی ہوگئی۔