اسلام ٹائمز۔ وفاقی وزیر پٹرولیم و قدرتی وسائل شاہد خاقان عباسی کہا ہے کہ بین الاقوامی پابندیوں کی دھمکیوں کی وجہ سے پاک ایران گیس منصوبہ خطرے میں پڑگیا ہے۔ پاکستان ساڑھے سات ارب ڈالر کے اس پراجیکٹ کو مکمل کرنے کے لئے پر عزم ہے۔ دونوں ممالک کو معاہدے کے حوالے سے اپنی ذمہ داریاں پوری کرنی ہیں۔ ایک خبررساں ادارے کو دیئے گئے انٹرویو میں وزیر موصوف کا کہنا تھا کہ گیس ایران سے خریدنے کی صورت میں امریکہ، اقوام متحدہ اور یورپی یونین کی جانب سے پابندیاں عائد کئے جانے کا خدشہ ہے۔ ہم پرامید ہیں کہ مسائل حل ہوتے ہی فوری طور پر گیس پائپ لائن کی تعمیر شروع کر دی جائے گی۔