اسلام ٹائمز۔ خیبرپختونخوا کے مختلف شہروں میں نیٹو سپلائی اور ڈرون حملوں کے خلاف پاکستان تحریک انصاف کا دھرنا آٹھویں روز میں داخل ہوگیا۔ نوشہرہ میں تحریک انصاف کے کارکن اٹک خیر آباد پل پردھرنا دیے ہوئے ہیں۔ نیٹو سپلائی کے کنٹینر کو خیبر پختونخوا میں داخل ہونے نہیں دیا جارہا ہے،تاہم افغان ٹرانزٹ ٹریڈ کے ٹرکوں کو جانچ پڑتال کے بعد گزر نے دیا جارہا ہے۔کوہاٹ میں انڈس ہائی وے اورڈیرہ اسماعیل خان میں رمک چیک پوسٹ پر بھی پی ٹی آئی کے کارکن دھرنے کے لئے جمع ہونا شروع ہوگئے ہیں.