ڈاکٹر طاہرالقادری کا علامہ ناصر عباس جعفری کو فون، آل اپوزیشن پارٹیز کانفرنس میں شرکت کی دعوت

اسلام ٹائمز۔ مجلس وحدت مسلمین کے سربراہ علامہ ناصر عباس جعفری کو سربراہ منہاج القرآن و پاکستان عوامی تحریک علامہ ڈاکٹر طاہرالقادری کا ٹیلی فون، منہاج القرآن میں منعقدہ آل اپوزیشن پارٹیز کانفرنس میں شرکت کی دعوت اور سانحہ ماڈل ٹاوُن پر حمایت پر شکریہ ادا کیا۔ علامہ ناصر عباس جعفری نے ڈاکٹر طاہرالقادر ی سے گفتگو کرتے ہوئے کہا کہ ہم ہر ظالم کیخلاف ہیں خواہ وہ مسلمان ہی کیوں نہ ہو اور ہر مظلوم کے حامی ہیں خواہ وہ کافر ہی کیوں نہ ہو۔ علامہ ناصر عباس جعفری نے ڈاکٹر طاہرالقادری کی جانب سے آل اپوزیشن پارٹیز کانفرنس میں شرکت کی دعوت کو قبول کرتے ہوئے ایم ڈبلیو ایم پاکستان کے مرکزی سیکرٹری سیاسیات سید ناصر شیرازی کو یہ ذمہ داری سونپ دی کہ وہ مرکزی رہنماوُں کے بھرپور اعلٰی سطحی وفد کے ساتھ اجلاس میں شریک ہوں۔ یاد رہے سربراہ مجلس وحدت مسلمین پاکستان علامہ ناصر عباس جعفری ان دنوں صوبہ پنجاب کے مختلف اضلاع میں تنظیمی دورے پر ہیں، اسی سلسلے میں وہ کل ملتان ڈسٹرکٹ بار سے خطاب بھی کریں گے۔