اسلام ٹائمز۔ کرک میں مسافر گاڑی کھائی میں گرنے سے ۸ افراد جاں بحق اور ۱۰ زخمی ہوگئے۔پولیس کے مطابق مسافر کوچ بنوں سے پشاور جارہی تھی کہ کرک کے علاقہ بانڈہ داؤد شاہ کے قریب بریک فیل ہوگیا۔ اور گاڑی موڑ کاٹتے ہوئے کھائی میں جاگری۔ مقامی افراد نے موقع پر پہنچ کر امدادی کارروائی کرتے ہوئے زخمیوں اور لاشوں کو نکالا۔ حادثے میں ۸ مسافر جاں بحق اور ۱۰ زخمی ہوگئے۔ زخمی اور لاشیں کرک ڈسٹرکٹ اسپتال اور بانڈہ داؤد شاہ اسپتال متنقل کردی گئی ہیں۔