کالاباغ:
اسلام ٹائمز-جنگ نیوز کے مطابق وزیر مملکت برائے خارجہ امور نواب زادہ ملک عماد خان نے کہا ہے کہ امریکا بھارت کو ریجنل پاور بنانا چاہتا ہے،سلامتی کونسل میں بھارت کی مستقل نشست سے خطے میں طاقت کا توازن بگڑ جائے گا۔کالا باغ میں میڈیا سے گفتگو کرتے ہوئے انہوں نے کہا کہ امریکا کی بھارت کیلئے سکیورٹی کونسل میں مستقل نشست کی حمایت پر پاکستان کو شدید اعتراض اور تحفظات ہیں۔
نواب زادہ ملک عماد خان کا کہنا تھا کہ امریکا بھارت کے دو طرفہ تعلقات پر کوئی اعتراض نہیں،امریکا کو بھارت کی طرح پاکستان سے بھی سول ایٹمی معاہدہ کرنا چاہیے۔انہوں نے کہا کہ امریکا کے خلاف سول ایٹمی معاہدہ سے بھارت کی اسلحہ کی دوڑ میں تیزی آئے گی،جو پاکستان کے لئے خطرناک ہے۔ملک عماد خان کا کہنا تھا کہ ملک میں غیر ملکی سرمایہ کاری میں بڑی رکاوٹ دہشت گردی ہے،تاہم ہمارا میڈیا بھی ابہام پیدا کر رہا ہے۔