ادھر امریکی اہلکار ریمنڈ ڈیوس کی فائرنگ کے وقت گاڑی کی پچھلی سیٹ سے فرار ہونیوالا پاکستانی کون تھا؟ پولیس اور قانون نافذ کرنیوالے اداروں نے تلاش شروع کر دی۔ پولیس ذرائع کے مطابق عینی شاہدین سے معلومات کے بعد یہ بات سامنے آئی ہے کہ جب ریمنڈ ڈیوس نے مزنگ چونگی میں فائرنگ کر کے دو پاکستانی نوجوانوں کو ہلاک کیا تو اس وقت اس کی گاڑی کی پچھلی سیٹ پر ایک پاکستانی بھی بیٹھا تھا جو فائرنگ کے بعد وہاں سے فرار ہو گیا اور اب پولیس اور قانون نافذ کرنیوالے اداروں نے اس پاکستانی کے بارے میں ریمنڈ ڈیوس سے معلومات حاصل کرنا اور اس کی تلاش شروع کر دی ہے۔