جعلی صحافیوں کی پانچ رکنی ٹیم امریکہ جانے کی کوشش میں گرفتار

اسلام ٹائمز۔ فیڈرل انوسٹی ایجنسی نے اسلام آباد ائیرپورٹ سے جعلی صحافیوں کی پانچ رکنی ٹیم کو گرفتار کرلیا ہے۔ یہ پانچوں افراد امریکی حکومت کی اجازت سے وہاں ہونے والے انتخابات کی خصوصی کوریج کیلئے امریکہ جارہے تھے، مگر ان میں سے کوئی بھی صحافی نہیں تھا۔ جعلی صحافیوں میں عدیل انعام، نعیم اختر، محمد شہزاد، محمد فیصل، مریم عدیل گرفتار ہونے والوں میں شامل ہیں۔ گرفتار افراد کی نشاندہی پر ڈاکٹر طارق اور فیصل بشیر نامی افراد کی گرفتاری کیلئے ایف آئی اے نے کارروائی شروع کردی ہے۔