سانحہ اے پی ایس کے متاثرین کو احتجاج کرنے سے روک دیا گیا

اسلام ٹائمز۔ اسلام آباد انتظامیہ اور آرمی پبلک سکول میں شہید و زخمی ہونے والے بچوں کے والدین کے درمیان ڈپٹی کمشنر ہاؤس میں مذاکرات جاری ہیں۔ آرمی پبلک سکول میں شہید و زخمی ہونے والے بچوں کے والدین اپنے مسائل حل نہ ہونے کی وجہ سے احتجاج کرنے کیلئے پشاور سے اسلام آباد آئے، تاہم انہیں سرینا چوک پر احتجاج کرنے سے روک دیا گیا۔ بعد ازاں ڈپٹی کمشنر آفس میں انتظامیہ اور بچوں کے والدین کے درمیان مذاکرات جاری ہیں۔ شہید و زخمی ہونے والے بچوں کا مطالبہ ہے کہ انہیں وزیراعظم سے ملاقات کا موقع دیا جائے۔