اسلام ٹائمز۔ کراچی کے ضلع جنوبی میں مبینہ خودکش بمبار کے پمفلٹ تقسیم کئے گئے ہیں۔ نجی ٹی وی کے مطابق پولیس نے خبردار کیا ہے کہ بمبار کسی بھی مزار، مسجد یا امام بارگاہ کو نشانہ بنا سکتا ہے، پولیس نے مبینہ خودکش بمبار کا خاکہ جاری کردیا ہے۔ مبینہ خودکش بمبار کا خاکہ جاری ہوتے ہی کراچی میں ملک بھر کی طرح نماز جمعہ کے موقع پر سیکورٹی انتہائی الرٹ رہی، امام بارگاہوں، مساجد اور مزاروں پر پولیس کی اضافی نفری تعینات ہوئی، اس کے علاوہ سیکورٹی خدشات کے باعث مزاروں کو زائرین کے لئے پہلے ہی بند کیا جاچکا ہے۔