افغان شہریوں کے پاسپورٹ دفاتر میں رش کیوجہ سے وزیر داخلہ کا نوٹس

اسلام ٹائمز۔ وفاقی وزیر داخلہ چودھری نثار نے پاسپورٹ دفاتر میں ویزہ توسیع کیلئے آنے والے افغان شہریوں کے رش کا نوٹس لے لیا ہے۔ وزیر داخلہ کہتے ہیں کہ افغان شہریوں کی مشکلات اور پاسپورٹ دفاتر میں رش کی شکایات کا فوری ازالہ کیا جائے۔ ترجمان وزارت داخلہ کے مطابق وزیر داخلہ چودھری نثار علی خان نے پشاور پاسپورٹ آفس میں ویزہ توسیع کیلئے آنے والے افغان شہریوں کے رش کا نوٹس لیا ہے۔ چودھری نثار نے ڈی جی پاسپورٹ کو پشاور کے علاوہ بنوں، سوات، ایبٹ آباد اور مردان کے پاسپورٹ دفاتر میں بھی ویزہ توسیع کی سہولت فراہم کرنے کی ہدایت کی ہے۔ اس اقدام سے افغان شہریوں کو صوبہ بھر میں ان کے قریبی شہروں میں ویزہ توسیع کی سہولت میسر آئے گی۔