اسلام ٹائمز۔ متحدہ قومی موومنٹ کے سربراہ فاروق ستار کو وزیر خزانہ اسحاق ڈار کی مداخلت پر رہا کیا گیا۔ مقامی روزنامہ کے مطابق گرفتاری کے بعد متحدہ نے اسحاق ڈار سے رابطہ کیا، جنہوں نے وزیراعلیٰ سندھ سے بات کی جس پر ایم کیو ایم پاکستان کے سربراہ کو رہا کردیا گیا۔ فاروق ستار کی گرفتاری سے قبل کراچی پولیس کے چیف ایڈیشنل آئی جی مشتاق مہر نے وزیراعلیٰ مراد علی شاہ کو اعتماد میں لیا تھا۔