جوہری ہتھیاروں میں کمی کا معاہدہ خطرے میں پڑ سکتا ہے،سرگئی لاروف

ماسکو: روسی وزیرِ خارجہ سرگئی لاروف نے خبردار کیا ہے کہ اگر امریکا نے بین الاقوامی دفاعی نظام پر روسی تحفظات دور نہ کیے تو دونوں ممالک کے درمیان جوہری ہتھیاروں میں کمی کے معاہدہ میں پیش رفت خطرے میں پڑ جائے گی۔ماسکو سے جاری بیان میں روسی وزیر خارجہ کا کہنا تھا کہ اگر امریکا نے میزائل شکن بین الاقوامی دفاعی نظام کو وجود میں لانے کی کوشش کی تو جوہری ہتھیاروں میں مزید کمی کے معاملہ سوالیہ نشان بن جائے گا۔سرگئی لاروف نے امریکی صدر باراک اوباما کے اس بیان کو سراہا جس میں انہوں نے دفاعی نظام پر نظر ثانی کی بات کی ہے۔