گاڑی کی ٹکر سے دریائے سندھ میں گر کر لاپتہ ہونے والے پاک فوج کے جوان کی لاش دو ماہ بعد برآمد

اسلام ٹائمز۔ دو ماہ پہلے گاڑی کی ٹکر سے دریائے سندھ میں گرنے والے پاک فوج کے صوبیدار کی لاش شنگوس سے برآمد ہو گئی۔ ایف ڈبلیو او کے صوبیدار شمس 7 اپریل کو گلگت سکردو روڈ پر کنڈیکٹر کی غلطی سے پیش آنے والے ایک المناک حادثے میں دریائے سندھ میں گر کر لاپتہ ہوا تھا، واقعہ گنجی یلبو کے مقام پر پیش آیا تھا، روڈ کے توسیعی کام کے دوران روڈ کھلنے کے انتظار میں مسافر گاڑیوں سے اتر کر روڈ کے کنارے انتظار میں بیٹھے ہوئے تھے، اسی دوران کنڈیکٹر نے مسافر وین آگے نکالنے کی کوشش میں مسافروں پر چڑھا دی، گاڑی کی ٹکر سے روڈ کے کنارے کھڑے تین مسافر ابراہیم، جوہر اور شمس دریائے سندھ میں جا گرے تھے، ان میں سے جوہر اور شمس دریائے سند ھ میں ڈوب پر لاپتہ ہو گئے تھے۔ جوہر بھی پاک فوج کا سپاہی تھا جس کی لاش واقعہ کے پندرہ دن بعد برآمد ہوئی تھی، صوبیدار شمس کی لاش کی تلاش جاری تھی جو دو ماہ بعد مل گئی۔