Saturday 22 Jun 2019 22:17

کشمیر میں ہی نئی پارٹیاں اور نئے اتحاد کیوں، ڈاکٹر مصطفٰی کمال

اسلام ٹائمز۔ جموں و کشمیر نیشنل کانفرنس کے معاون جنرل سیکرٹری ڈاکٹر مصطفٰی کمال نے کہا ہے کہ جموں اور لداخ میں نئی پارٹیاں اور نئے اتحاد معرض وجود میں کیوں نظر نہیں آرہے ہیں۔؟ نوائے صبح کمپلیکس میں ایک تقریب کا انعقاد ہوا، جس میں پارٹی میں شمولیت اختیار کرنے والوں کا خیرمقدم کیا گیا۔ ڈاکٹر مصطفٰی کمال نے ریاست کے تینوں خطوں کے عوام سے متحدہ ہونے کی اپیل کرتے ہوئے کہا کہ 1947ء سے ہی ہمیں ٹولیوں میں بانٹنے کی شروعات کی گئی اور کشمیریوں کی آواز کو بے وزن کرنے کا سلسلہ آج بھی جاری ہے۔ ڈاکٹر مصطفٰی کمال نے کہا کہ جموں اور لداخ میں نئی پارٹیاں اور نئے اتحاد معرض وجود کیوں نہیں آرہے ہیں، یہ سرگرمیاں صرف کشمیر میں ہی کیوں دیکھنے کو ملتی ہیں۔؟ اس پر عوام کو غور و خوض کرنا چاہیئے کیونکہ یہ سب کچھ ہماری آواز کو تقسیم کرنے کیلئے کیا جارہا ہے۔

انہوں نے کہا کہ عوامی اشتراک سے نیشنل کانفرنس آج بھی دشمنوں کے خلاف صف آراء ہے اور یہی ایک سیاسی جماعت ہے جو ریاست کے مفادات کا تحفظ کرنے کا مادہ رکھتی ہے۔ انہوں نے کہا کہ عوامی اشتراک سے نیشنل کانفرنس اگلی حکومت بنائے گی اور ہماری حکومت سب کو ساتھ لے کر چلے گے۔ انہوں نے نیشنل کانفرنس تمام اقلیتوں کے ساتھ انصاف کرنے کے ساتھ ساتھ نیشنل کانفرنس ریاست کے تمام خطوں اور ذیلی خطوں کی علاقائی خودمختاری کیلئے وعدہ بند ہیں۔

کشمیر میں ہی نئی پارٹیاں اور نئے اتحاد کیوں، ڈاکٹر مصطفٰی کمال

تازہ ترین

مقبول ترین

ہاٹ نیوز

پربحث ترین