اسلام ٹائمز۔ شدید برف باری کے باعث شاہراہ بابوسر کو عام ٹریفک کے لئے بند کر دیا گیا۔ زرائع کے مطابق گلگت سے راولپنڈی کے لئے بابوسر ناران کاغان شاہراہ کو ہر قسم کی ٹریفک کے لئے بند کر دیا گیا ہے جبکہ مسافر بسوں کے لئے یکم اکتوبر سے ہی بابوسر شاہراہ سے گزرنے پر پابندی عا ئد کر دی گئی تھی۔ چھوٹی گاڑیوں کو بھی بابوسر شاہراہ سے گزرنے پر پابندی عائد کر دی گئی ہے۔ گلگت سے راولپنڈی جانے والی گاڑیاں بابوسر روڈ کی بجائے آئندہ شاہراہ قراقرم سے گزریں گی۔